Mittelalter 2000/1
Heft 2000/1    1. Artikel

Mittelalterarchäologie in den Kantonen St. Gallen und Appenzell – Forschungsgeschichte und aktueller Stand

Resumaziun

par Christoph Reding

L'archeologia dal temp medieval dals chantuns Son Gagl ed Appenzell ha survegnì novs impuls a l'entschatta dal 20avel tschientaner tras l'iniziativa da Dr. h. c. Gottlieb Felder. Fin a l'entschatta da la segunda guerra mundiala sa concentravan las numerusas activitads surtut sin il mantegniment e la sanaziun da ruinas da chastels ch'eran en privel da sbalunar (cf. tabella e carta); las exchavaziuns fatgas a questa chaschun na vegnivan deplorablamain strusch documentadas e praticamain betg publitgadas. Suenter la segunda guerra mundiala ha Franziska Knoll-Heitz cuntinuà cun las lavurs d'exchavaziun ed ha publitgà pliras scrittiras ch'han furnì per lung temp ils sulets resultats duvrabels da l'archeologia dal temp medieval da la Svizra orientala. Il 1966 è vegnida endrizzada a Son Gagl l'archeologia chantunala. Cunquai ch'ils daners mancavan, stueva quella dentant sa restrenscher sin l'accumpagnament da renovaziuns da baselgias. Patì tras questa situaziun ha cunzunt la perscrutaziun dals centers vegls da las citads en il chantun Son Gagl. Percunter ha la tgira da monuments chantunala cuntinuà cun il mantegniment da las ruinas da chastel. Ils onns 70 ed 80 han ins conservà cun grondas stentas numerusas ruinas (cf. tabella e carta), uschia ch'ils chantuns Son Gagl ed Appenzell han be anc paucas ruinas betg restauradas. Ma gist tar questas èn las mesiras da salvament fitg urgentas.

Perquai ch'ils daners mancavan nun han ins pudì elavurar ni ils numerus chats pli vegls, ni tut ils novs chats. Ina emprima prova d'evaluaziun furma la survista publitgada en l'artitgel che suonda davart la cheramica dal temp medieval en ils chantuns Son Gagl ed Appenzell.

Translaziun: Lia rumantscha, Cuira

Reding, Christoph : Mittelalterarchäologie in den Kantonen St. Gallen und Appenzell – Forschungsgeschichte und aktueller Stand
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 5. Jahrgang 2000, Heft 1, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch