Mittelalter 2001/1
Heft 2001/1    2. Artikel

Mittelalterliche Keramik in den Kantonen St. Gallen und Appenzell – Eigenheiten einer Region

Resumaziun

par Christoph Reding

Ils chantuns Son Gagl ed Appenzell èn mal perscrutads en quai che pertutga l'archeologia dal temp medieval (cf. istorgia da la perscrutaziun). Perquai pon ins far oz be ina skizza da la survista cronologica e tipologica da la cheramica medievala. I na dat strusch stratigrafias u be paucs cumplexs da chats cun datas absolutas. Sch'ins cumpareglia plinavant las furmas da cheramica avant maun cun chats da referenza dal conturn pli vast (Winterthur, Constanza, Turgovia, Grischun), constatesch'ins per part differenzas cleras.

Las chazzettas p.ex. èn en general cleramain sutrepreschentadas en ils cumplexs da chats da la regiun perscrutada. Bain represchentadas èn tar quest gener da vaschella las furmas cun ur da lef (cf. ill. 2 e 3), entant che la furma dal tip successiv cun ur da bordura (cf. ill. 4) è fitg rara. Vaschella da cheramica dal 10/11avel tsch. nun è strusch cumprovada enfin oz, pir en il 13avel tsch. cumparan en la Svizra orientala cumplexs da chats segirads archeologicamain. Glischs dad ieli da cheramica èn medemamain fitg raras; meglier cumprovadas èn glischs da metal u auters indrizs da far glisch da fier.

Tar la cheramica da pignas existan plattinas-bavrola e plattinas-cup. Il tip successiv, las plattinas-stgadella èn la furma da plattinas dominanta dal 14avel tsch. Tar las plattinas-bulieu è documentà mo in lieu da chat isolà a Neu-Toggenburg. Autras furmas sco plattinas-taglier u parts da la pigna-tur gotica nun èn represchentadas fin oz.

Las dumondas da la cronologia e da la tipologia e lur differenzas visavi las regiuns vischinas vegn ins a pudair sclerir pir cun l'elavuraziun intensiva da numerus cumplexs da chats oz anc betg evaluads ed eventuals chats novs dals chantuns Son Gagl ed Appenzell.

Translaziun: Lia rumantscha, Cuira

Reding, Christoph : Mittelalterliche Keramik in den Kantonen St. Gallen und Appenzell – Eigenheiten einer Region
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 6. Jahrgang 2001, Heft 1, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch