Mittelalter 2001/3
Heft 2001/3    1. Artikel

Vases acoustiques dans les églises du Moyen Age

Resumaziun

par Victor Desarnaulds et Yves Loerincik

Pliras baselgias en Europa, tranter questas circa 20 en Svizra, han en lur mirs vasas acusticas. Ins ha fatg ina retschertga sistematica da quests vaschs spezials en las baselgias da Syens, Grandson, Villette e Granges-près-Marnand en il chantun da Vad. En il 13avel fin 15avel tschientaner vegnivan utilisads sco vasas acusticas vaschs dal mintgadi. Ellas n'han perquai er nagina furma specifica, mabain sa cumponan d'ina gronda varietad da furmas conuschentas da la cheramica dal mintgadi.

Las vasas acusticas vegnivan enchastradas en ils mirs da tschertas baselgias per meglierar l'acustica. L'applicaziun da talas vasas sa referescha probablamain ad ina tradiziun antica, tenor la quala ins plazzava vaschs da bronz sut las retschas da seser da l'amfiteater. En il temp medieval vegnivan las vasas acusticas percunter enchastradas per il solit en l'arvieut da la baselgia u en il mir enturn las fanestras. Ellas vegnivan ordinadas tenor simplas furmas geometricas.

En tscherts documents dal temp medieval vegn descrit l'applicaziun da quests vaschs per rinforzar u far resunar la musica u il pled. Tuttina vegn l'effect da questas vasas acusticas interpretà oz en moda cuntraversa. Retschertgas fisicalas modernas han mussà che la vasa acustica po avair effects divergents: en in cas po ella rinforzar il tun da singulas frequenzas e prolungar la resonanza, en in auter percunter scursanir la resonanza e sbassar il tun.

Translaziun: Lia Rumantscha, Cuira

Desarnaulds, Victor Loerincik, Yves : Schalltöpfe in Kirchen des Mittelalters
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 6. Jahrgang 2001, Heft 3, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch