Mittelalter 2002/1
Heft 2002/1    1. Artikel

Burgenforschung in der Schweiz

Ein kritischer Blick in die Vergangenheit, Gegenwart und Zukunft

par Werner Meyer

L'occupaziun scientifica cun il tema dal chastè, ha entschet en Svizra en la segunda mesadad dal 19avel tschientaner. En emprima lingia èn surtut stads participads ils istorichers che sa fatschentavan cun la perscrutaziun da la genealogia e da las relaziuns da l'istorgia constituziunala e giuridica. Novs criteris han determinà Walter Merz cun sias ovras en plirs toms davart ils chastels dal Sisgau e l'Argovia (1909 – 1920), Nils Lithberg cun sia lavur che tracta er ils chats pitschens dal chastè da Hallwil (1925) ed Erwin Pöschel cun il cudesch dals chastels grischuns (1930). La fundaziun da l'Associaziun Svizra da Chastels 1927 n'ha betg dà novs impuls a la perscrutaziun scientifica. L'associaziun resp. ses president Eugen Probst ha mess, confurm a la finamira da l'associaziun, ils accents sin il mantegniment da las ruinas tenor aspects da la tgira da monuments.

La vieuta ha gì lieu 1955 cun l'elecziun da Hugo Schneider. En curt temp èsi reussì da prender suenter il retard en la perscrutaziun da chastels e da l'archeologia dal temp mediaval en general. Cun la creaziun da la retscha dals «Schweizer Beiträge zur Kulturgeschichte und Archäologie des Mittelalters», han ins schizunt francà suenter 1974 novs criteris en connex cun las publicaziuns. Represchentants da l'associaziun da chastels, a la testa Hugo Schneider e Werner Meyer, han elavurà dumondas da perscrutaziun ed han tschertgà respostas cun agid d'exchavaziuns archeologicas. Blers resultats han ins publitgà en artitgels da la gasetta da l'associaziun «Nachrichten» u en ils «Schweizer Beiträge». Questa dinamica è vegnida promovida da la conjunctur'economica che ha mess a disposiziun meds finanzials suffizients. Davent dals onns 90 èn quests daners daventads pli stgars ed han franà cleramain l'elan da perscrutaziun. Causa mancanza da novas dumondas da perscrutaziun na vegnan exequidas ozendi quasi naginas lavurs da perscrutaziun vi da chastels. Ils meds ch'èn avant maun tanschan gist anc per la tgira da monuments. Il pensum futur da l'Associaziun Svizra da Chastels duess esser la formulaziun da novas dumondas a la perscrutaziun da chastels per pudair svegliar danovamain l'interess dals crediturs.

Translaziun: Lia rumantscha, Cuira

Meyer, Werner : Burgenforschung in der Schweiz, Ein kritischer Blick in die Vergangenheit, Gegenwart und Zukunft
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 7. Jahrgang 2002, Heft 1, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch