Mittelalter 2002/1
Heft 2002/1    3. Artikel

Die Publikationen des Schweizerischen Burgenvereins

Resumaziun

par Thomas Bitterli

Curt suenter la fundaziun da l'associaziun, ha cumenzà l'ediziun da la revista da l'Associaziun svizra per chastels e ruinas ch'infurmescha ils commembers davart las restauraziuns da chastels e las activitads da l'associaziun (excursiuns, viadis, referats). Enturn ils 1955 sa mida la revista en ina revista spezialisada per chasteollogia, cun l'accent sin la perscrutaziun archeologica. En questa furma èn mintg'onn cumparids quatter quaderns. Davent da 1996 porta la revista il nov titel «Temp Medieval». A medem temp è il cuntegn vegnì augmentà tematicamain sin ulteriurs secturs dal temp medieval sco istorgia da la citad e da l'urbanisaziun, istorgia da la tecnica, istorgia da l'economica e sociologia.

Ultra da la revista publitgava l'associaziun la collecziun dals chastels e las ruinas en Svizra. Tranter ils onns 1927 e 1948 èn en tut cumparids 22 toms. La colleziun è ordinada tenor chantuns.

Dapi il 1974 edescha l'associaziun la collecziun da las contribuziuns svizras per l'istorgia da la cultura e l'archeologia dal temp mediaval (SBKAM), da la quala èn cumparids fin uss 27 toms. Ils toms 28 e 29 suondan a la fin da l'onn.

In ovra fitg appreziada er sur ils cunfins naziunals, è er la Charta dals chastels da la Svizra e da sias regiuns limitrofas, ch'è cumparida ils 1936 sco simpel fegl da la charta geografica. Davent da 1972 fin 1985 è questa charta vegnida cumplettada a la Charta dals chastels da la Svizra en quatter parts. Dasper la charta han ins edì in carnet da text cun las descripziuns dals objects ed ina collecziun da chartas da details.

Translaziun: Lia rumantscha, Cuira/Chur

Bitterli, Thomas : Die Publikationen des Schweizerischen Burgenvereins
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 7. Jahrgang 2002, Heft 1, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch