Mittelalter 2003/1
Heft 2003/1    1. Artikel

Der Caslasc oberhalb von Giornico TI, Versuch einer Deutung und Datierung

Resumaziun

par Rudolf Glutz

Var 270 m sur il vitg da Giornico en la Leventina sa chatta orasum in grip da la vart dretga da la val la ruina misteriusa da Caslasc. Caracteristic per questa fortezza èn ils imposants mirs sitgs da fin ad 8 m autezza che sa cumponan da plattas da granit per part giganticas. Ses fundament triangular singular ha sveglià gia l'onn 1681 la fantasia ed ins veseva l'implant sco monument da victoria roman. Pli tard è Caslasc vegnì interpretà sco abitadi da fortezza preistoric. Novas retschertgas che sa basan sin ponderaziuns linguisticas, sin la tipologia da construcziun e sin la strategia da traffic inditgeschan plitost in temp d'origin medieval tempriv. Pli probablamain sa tracti d'ina fortezza alpina langobarda (en il senn da la claustra Italiae menziunada dal cronist Paulus Diakonus en l'otgavel tschientaner). I n'existan dentant nagins chats databels che cumprovan questa interpretaziun.

La raschun per la retschertga summara da la ruina da Caslasc è stada la registraziun detagliada topografic-archeologica da l'implant tras l'Institut per la tgira da monuments da la SPF ils onns 1999 e 2000. Cun agid da differentas metodas da mesiraziun han ins cartà era la cuntrada cultivada antruras intensivamain ed ha uschia integrà Caslasc en ses conturn pli vast.

Translaziun: Lia rumantscha, Cuira

Glutz, Rudolf : Der Caslasc oberhalb von Giornico TI, Versuch einer Deutung und Datierung
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 8. Jahrgang 2003, Heft 1, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch