Mittelalter 2003/4
Heft 2003/4    3. Artikel

Die alte Thurbrücke von Bischofszell – ein teures Stück Architektur

Resumaziun

par Hansjörg Brem et Daniel Steiner et Monika Zutter

In dals pli enconuschents monuments architectonics dal chantun Turgovia è la punt sur la Thur a Bischofszell – la pli lunga punt da crap dal temp medieval en Svizra. Dal 15avel tschientaner tardiv fin il 1969 ha ella purtà il traffic da vehichels e peduns tranter Bischofszell ed il conturn da Neukirch e Wil. Ils 18 da fanadur 1969 è vegnida inaugurada ina punt nova che stat en ina distanza respectusa da la punt veglia.

In'emprima punt sur la Thur vegn menziunada enturn il 1300. Il «cor» da la punt ch'exista anc oz, è vegnì terminà il 1487. La punt ha adina puspè stuì vegnir reparada pervi da donns tras auas grondas. Pervi dal traffic creschint han ins stuì schlargiar il 1860 il vial da la punt, remplazzond il parapet da mir tras ina balustrada da metal. La nova cuvrida dal vial cun plattas-crap dueva impedir che l'aua da plievgia penetrava en la structura interna da la punt. Questa protecziun è però puspè vegnida disfatga il 1973 e l'aua che penetrava danovamain ha chaschunà donns da schelira che ston vegnir reparads ussa a partir dal 2003 cun ina sanaziun considerabla. Ils mirs dal parapet, ch'èn vegnids reconstruids, vegnan cuverts cun ina stresa da bitum. Il passape vegn cuvert cun asfalt culà sin ina folia da separaziun. Tut las duas mesiras èn reversiblas. En il decurs dals proxims onns vegnan ils blocs da crap da tuf e sablun smagliads remplazzads successivamain tras crap da sablun da Rorschach.

Translaziun: Lia rumantscha, Cuira

Brem, Hansjörg Steiner, Daniel Zutter, Monika : Die alte Thurbrücke von Bischofszell – ein teures Stück Architektur
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 8. Jahrgang 2003, Heft 4, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch