Mittelalter 2004/2
Heft 2004/2    1. Artikel

La sanaziun da la ruina dal chastè da Schenkenberg sper Thalheim

par Christoph Philipp Matt

La ruina dal chastè da Schenkenberg sper Thalheim sa chatta en il Giura faudà argovian. Ella è la ruina la pli gronda e la meglier mantegnida dal chantun. Il chastè ha ses origin en l'emprima mesadad dal 13avel tschientaner ed è stà abità fin l'onn 1720. Il chastè e la signuria da Schenkenberg eran feuds da Habsburg. A partir dal 1460 è il chastè stà la sedia da la podestataria bernaisa.

La ruina è vegnida restaurada e sanada ils onns 1919, 1931, 1935, 1969/1970 e 2003 tras la Protecziun da la patria dal chantun Argovia. Durant la sanaziun 2003 ha il Servetsch archeologic da l'Argovia fatg in'examinaziun cumplessiva dal bajetg. Cun agid da vegls documents sco fotografias, rapports da restauraziuns, correspundenzas etc. han ins survegnì infurmaziuns impurtantas davart l'istorgia da la construcziun, malgrà las numerusas restauraziuns precedentas.

Durant il lung temp ch'il chastè è stà abità, è el vegnì engrondì e transfurmà cuntinuadamain. In pitschen chastè cun ina tur han ins transfurmà durant il 13/14avel tschientaner en in chastè cun mir da defensiun. La tur principala ed il palaz èn vegnids reconstruids pliras giadas. Pli tard è il chastè vegnì amplifitgà cun ina bassa curt ed ina terrassa cun curtin. Enturn il 1500 èn vegnidas agiuntadas las turs radundas flancantas.

Translaziun: Lia rumantscha, Cuira

Matt, Christoph Philipp : Die Sanierung der Burgruine Schenkenberg bei Thalheim
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 9. Jahrgang 2004, Heft 2, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch