Mittelalter 2004/3
Heft 2004/3    1. Artikel

Höfische Sachkultur

Archäologische Zeugnisse aus dem Kanton Bern

par Adriano Boschetti-Maradi

Ils relicts d'ina cultura materiala curtaisa – armas, chastels e vopnas – sa laschan attribuir a diversas classas socialas. Da l'auta noblezza, la purtadra per propi d'ina cultura curtaisa, dattan perditga en il chantun Berna mo anc singuls chastels dal 11avel e 12avel tschientaner, surtut il chastè da Burgdorf. Da la vischinanza da Burgdorf, che appartegneva da lez temp a Kiburg, deriva la trucletta dad Attinghausen, ina perditga rara ed impurtanta d'ina cultura curtaisa en il conturn da questa curt. Monuments da fossa ed autras preschentaziuns da chavaliers sco era chats d'armas dal 12avel – 14avel tschientaner èn stgars en la Planira bernaisa. Relativamain numerusas èn percunter las perditgas d'ina cultura curtaisa en la part sura bernaisa. Las famiglias von Strättligen, von Ringgenberg, von Kien e von Weissenburg han laschà enavos bleras funtaunas materialas tipicamain curtaisas sco armas, figuras da schah, chastels, monuments da fossa e maletgs. Ellas dattan perditga d'ina auta conscienza da classa da questas famiglias en il 13avel tschientaner. En la citad da Berna èn funtaunas cumparegliablas bler pli stgarsas. La gronda part deriva da famiglias noblas bainstantas, per exempel dals Bubenbergs. Tranter questas famiglias noblas ed ils burgais ritgs na sa mussa betg mo istoricamain, mabain er sin fundament da las funtaunas materialas in cuntrast. Las famiglias burgaisas da Berna paran – cun excepziun da l'eraldica – d'avair refusà u temì da duvrar simbols curtais. La meglra perditga da quai dat la chascha da vopnas dad Aeschi, sin la quala èn preschentadas enturn il 1320 sulettamain famiglias burgaisas da Berna cun lur vopnas.

Translaziun: Lia rumantscha, Cuira

Boschetti-Maradi, Adriano : Höfische Sachkultur – archäologische Zeugnisse aus dem Kanton Bern
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 9. Jahrgang 2004, Heft 3, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch