Mittelalter 2004/4
Heft 2004/4    2. Artikel

Castello di San Michele sper Ascona – istorgia ed archeologia

par Stefan Lehmann et Piero Carlucci et Christian Saladin

Il chastè da San Michele, menziunà per l'emprima giada il 1189 sco sedia da la famiglia aristocrata Duni, sparescha dal puntg da vista istoric, probablamain abandunà da la signuria, l'entschatta dal 16avel tschientaner. La baselgia da San Michele ch'è oz anc conservada (en ses center ina tur transfurmada), è il davos element restant dal chastè vegl. Schebain ch'i mancan fin oz mussaments che cumprovan l'existenza d'in anteriur cumplex da chastels – forsa dal temp medieval tempriv – ha in tagl da sondagi mussà che l'areal è stà abità dapi il neoliticum (circa a partir da 3300 a. C.), cun diversas interrupziuns, sur il temp da bronz tardiv ed il temp da fier tempriv, l'antica tardiva ed il temp autmedieval fin en la mesadad dal 13avel tschientaner. Tuttina, malgrà che diversas restanzas da mir èn vegnidas conservadas ed igl existan maletgs e fotografias dal temp avant las intervenziuns modernas, resta il chastè, surtut en ils detagls, nunchapì. In'examinaziun detagliada dal chastè e da la funcziun dals singuls locals sto perquai vegnir spustada fin che las ulteriuras retschertgas cumplementaras èn terminadas.

Translaziun: Lia rumantscha, Cuira

Lehmann, Stefan Carlucci, Piero Saladin, Christian : Castello di San Michele bei Ascona – Geschichte und Archäologie
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 9. Jahrgang 2004, Heft 4, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch