Mittelalter 2000/1
Heft 2000/1    1. Artikel

La ruina da Resti

par Daniel Gutscher

La ruina da RestiRestiturm») gioga, pervi da sia posiziun dominanta sur la val, ina rolla impurtanta entaifer la gruppa da las ruinas da chastè dal Berner Oberland, sco per exempel Ringgenberg, Weissenau, Unspunnen, Spiez, Tellenburg, Felsenburg, Weissenburg e Mannenberg, da las qualas existan anc considerablas restanzas da mir.

Grazia a l'excellenta conservaziun da restanzas da liadira a l'intern dals edifizis sco era da restanzas da lain, pudain nus ans far oz in maletg fitg precis da la structuraziun dals locals en la tur-chastè en la mesadad dal 13avel tschientaner. Grazia a la dataziun da bleras restanzas da lain èsi reussì da sa far in'idea precisa da la cronologia. Sin fundament da questa cronologia sa tschentan novas dumondas per la perscrutaziun da l'istorgia, p. ex. quella davart la rolla da la tur-chastè durant il temp da la sutmissiun directa a l'imperatur (fin il 1310), pli tard sut il domini da la signuria da Weissenburg (fin il 1334) e la finala sut il domini da la citad da Berna. En questa davosa fasa è succedida l'intervenziun la pli massiva: la construcziun d'in plaun per la defensiun da l'edifizi. La scuverta dad erculs da defensiun – en la tecnica da construcziun da travs – sin mintga vart entamez las paraids, ha permess da cumprovar in element architectonic fin ussa unic en Svizra.

Translaziun: Lia rumantscha, Cuira

Gutscher, Daniel : Die Burgruine Resti in Meiringen, Zur bauarchäologischen Untersuchung und Restaurierung 2004
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 5. Jahrgang 2000, Heft 1, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch