Mittelalter 2006/2
Heft 2006/2    2. Artikel

Natira domesticada – ierts e curtins en chastels medievals

par Dorothee Rippmann

Sco lieus da midadas permanentas, dal crescher e dal pirir na laschan ils ierts da temps passads enavos naginas structuras durablas. En la perscrutaziun da chastels-fortezza n’èn la furmaziun dal conturn d’in chastè d’ina vart ed ils ierts da l’autra vart fin ussa strusch stads in tema – malgrà ch’il curtin d’amur sco "lieu amuraivel" (locus amoenus) protegî è adina stà preschent en la cultura nobel-chavaleresca dal temp medieval, sco che cumprovan las ovras epicas e liricas, ma era las represchentaziuns d’ierts en la pictura da tavlas e sin tarpuns tessids; els stattan savens en connex cun la veneraziun da Nossadunna. Ils mussaments per divers tips d’iert resp. da curtin – l’iert da verdura (l’iert d’ervas), il curtin da pumera, la vigna, il curtin d’amur u il curtin zoologic – stuess ins rimnar ina giada a moda sistematica per differentas cuntradas istoricas, sa basond sin documents istorics u autras funtaunas scrittas. Quai è in desiderat urgent da la perscrutaziun, tant pli che dapi insaquants onns èn vegnidas evaluadas restanzas botanicas dad exchavaziuns archeologicas, sco per exempel Charavines (F), Haus Meer (D), Eschelbronn (D), Friedberg, Riedfluh (CH). Las restanzas da plantas documenteschan ina biodiversitad interessanta e l’existenza da plantas indigenas ed importadas sco era da plantas selvadias e domesticadas ina sper l’autra.

Translaziun: Lia rumantscha, Cuira/Chur

Rippmann, Dorothee : Gezähmte Natur – Gärten in mittelalterlichen Burgen
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 11. Jahrgang 2006, Heft 2, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch