Mittelalter 2006/3
Heft 2006/3    2. Artikel

Eveniments istorics e chats archeologics

par Daniel Gutscher

La curta survista duai illustrar quant impurtanta ch’è en l’archeologia la critica da las funtaunas tras l’archeolog sez. Igl è chapaivel che l’archeologia quintava a l’entschatta da pudair respunder cun agid da chats archeologics dumondas nunschliablas per la perscrutaziun istorica.

Chats ch’ins po attribuir cun tutta tschertezza, damai cun in mussament, ad eveniments istorics èn fitg rars. Quant svelt vegn ina sfessa en in edifizi dal temp medieval colliada cun in terratrembel, u ina rasada da charvun cun in brischament. 99 da 100 sfessas en edifizis derivan però da sbassadas dal terren.

Las funtaunas archeologicas èn main periclitadas che las funtaunas scrittas da vegnir interpretadas a moda subjectiva da rapportaders contemporans. Il chat è objectiv – sia interpretaziun percunter main. A maun da differents exempels mussain nus quant impurtant ch’igl è d’examinar criticamain mintga chat, e quant paucas funtaunas archeologicas che pon la finala vegnir attribuidas indubitablamain ad in eveniment istoric.

Translaziun: Lia Rumantscha, Cuira/Chur

Gutscher, Daniel : Historisches Ereignis und archäologischer Befund
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 11. Jahrgang 2006, Heft 3, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch