Mittelalter 2006/3
Heft 2006/3    3. Artikel

Reconstrucziun interdisciplinara dal terratrembel da Basilea da l’onn 1356. In rapport dal lavuratori da la Scola politecnica federala Turitg

par Schwarz-Zanetti

L’Institut per geofisica da la Scola politecnica federala Turitg revalitescha actualmain il terratrembel da Basilea dal 1356. Il project interdisciplinar resguarda resultats istorics, archeologics ed architectonics enconuschents e novs da l’entir intschess pertutgà, quai che permetta da revalitar il terratrembel ed il privel seismic da la regiun da Basilea. Participads al project èn la Perscrutaziun archeologica dal terren dal chantun Basilea-Citad, la tgira da monuments da Basilea, l’uffizi archeologic dal chantun Basilea-Champagna, la corporaziun da tagliacrappa da la catedrala da Basilea, ensemen cun il filolog classic Virgilio Masciadri (Turitg), l’istoricra Dorothee Rippmann (Itingen) e Thomas Wenk da l’inschigneria per terratrembels e dinamica da construcziun (Turitg)

En il center dal studi stat l’uschenumnada 'glista dals chastels', in register dals chastels donnegiads u devastads dal terratrembel da Basilea da l’onn 1356. Tenor indicaziuns da funtaunas è quel vegnî cumpilà pir in pèr onns suenter la catastrofa. En pli n’èsi era betg cler pertge ch’i dat ina glista dals chastels donnegiads e nagina glista da las baselgias pertutgadas.

Bleras indicaziuns da la glista dals chastels n’han enfin uss (anc) betg pudî vegnir verifitgadas, quai che reducescha fermamain il dumber dals puncts nizzaivels per la seismica. Ulteriurs terratrembels pli pitschens en la regiun da Basilea han mantegnî viv l’interess dals cronists dal 14avel e 15avel tschientaner per ils fenomens seismics, uschia che era il dumber dals chastels pertutgads è creschî cuntinuadamain.

Translaziun: Lia Rumantscha, Cuira/Chur

Schwarz-Zanetti,  : Interdisziplinäre Rekonstruktion des Basler Erdbebens von 1356 an der ETHZ. Ein Werkstattbericht
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 11. Jahrgang 2006, Heft 3, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch