Mittelalter 2006/3
Heft 2006/3    4. Artikel

A la tschertga da fastizs archeologics da catastrofas seismicas

par Werner Wild

Il grond terratrembel da Basilea da l’onn 1356 ha ina posiziun-clav en la perscrutaziun da terratrembels istorics. A basa da las numerusas funtaunas scrittas pon ils experts perscrutar singuls edifizis donnegiads da quel temp. Igl è però grev d’insumma anc chattar fastizs precis suenter 650 onns, durant ils quals igl è vegnî construî e laschà ir en decadenza bler. Savens resta il grad da devastaziun exact nunenconuschent. È in chastè vegnî abandunà perquai che las paraids eran sa derschidas u perquai che la reparatura dal tetg fiss stada memia chara? A Basilea pon ins constatar differents grads da devastaziun. Singuls edifizis èn restads intacts malgrà il terratrembel ed il grond incendi. Resultats impurtants preschenta in studi interdisciplinar che vegn realisà actualmain da la Scola politecnica federala.

Sch’igl existan mo funtaunas scrittas superfizialas u insumma naginas, èsi grev d’eruir ils donns da terratrembels. Problems statics, l’erosiun, demoliziuns, lavurs da spazzada e la decadenza natirala fan ch’ils mirs sa derschan u survegnan sfessas. Quels donns sumeglian surprendentamain ils donns seismics. Per als pudair eruir segiramain è indispensabla la collavuraziun cun ils experts dal Servetsch seismic svizzer da la Scola politecnica federala Turitg.

Translaziun: Lia Rumantscha, Cuira/Chur

Wild, Werner : Auf der Suche nach archäologischen Spuren von Erdbebenkatastrophen
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 11. Jahrgang 2006, Heft 3, .

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch