Mittelalter 2006/4
Heft 2006/4    1. Artikel

La construcziun cun pitgas verticalas dal 1355 en il chastè-fortezza da Zug

par Adriano Boschetti-Maradi et Toni Hofmann

En il chastè-fortezza da Zug èn sa mantegnidas restanzas impurtantas d’ina construcziun en lain dal 1355 (cf. fotografia da cuverta). I sa tracta d’ina construcziun d’in plaun cun pitgas verticalas e revestgiment d’aissas orizontalas, che sa chatta sin l’annexa settentriunala da la tur construida en l’emprima mesadad dal 13avel tschientaner. Probablamain è la creaziun da questa construcziun en lain d’attribuir indirectamain al temp malruassaivel da la stad dal 1352, cura che truppas da confederads assediavan la citad ed il chastè-fortezza da Zug. Da quai dattan perditga ina mina scuvrida il 1979 sut il mir occidental da la tur d’abitar, fastizs d’in incendi vi da la tur e l’annexa sco era il fatg che la laina da construcziun la pli veglia databla deriva dal 1353. La structura, las caracteristicas da construcziun ed il svilup da questa construcziun en lain vegnan descrits detagliadamain en questa contribuziun e cumparegliads cun autras construcziuns en lain da quel temp.

Translaziun: Lia Rumantscha, Cuira/Chur

Boschetti-Maradi, Adriano Hofmann, Toni : Der Bohlen-Ständerbau von 1355 auf der Burg Zug
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 11. Jahrgang 2006, Heft 4, 173 - 187.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch