Mittelalter 2007/1
Heft 2007/1    1. Artikel

Ina tipologia da guttas da chaval sco instrument per las dataziuns

par Georg Brunner

Il svilup da la furma dal fier-chaval è gia daditg l'object da perscrutaziuns en l'archeologia e l'istorgia da la cultura. Cunquai ch'il fier-chaval vegniva fermà dapi il 11avel tschientaner cun guttas da chaval, paran era las furmas da las guttas utilisadas d'esser sa sviluppadas en il decurs dal temp.

L'autur distingua set tips da guttas che sa laschan differenziar sin fundament dal chau, dal culiez e dal bist. Cunquai ch'in tschert tip da gutta va era a prà mo cun ina tscherta furma da fier-chaval, po la furma da la gutta vegnir limitada temporalmain sin fundament da quest connex cun il fier-chaval (che sa lascha datar meglier).

Per dar al chaval en il terren lom in meglier tegn, ston ins fermar bintguns vi dals fiers-chaval. Sco quai che la retschertga mussa, datti dapi il 18avel tschientaner era fiers-chaval cun bintguns da fitgar u da struvegiar. Cunquai che quels gievan savens a perder, han ins adina puspè chattà tals sin vegls trajects.

Cun questa tipologia da la gutta da chaval e dals bintguns survegn la perscrutaziun da las vias ina nova pussaivladad da datar in traject. A maun d'exempels da trajects en il Grischun, al Gottard ed en il Giura vegn la dataziun gia enconuschenta per part confermada, per part vegnan las propostas da dataziun da fin ussa dentant era messas en dubi u curregidas.

Translaziun: Lia rumantscha, Cuira/Chur

Brunner, Georg : Eine Typologie von Hufnägeln als Mittel für Datierungen
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 12. Jahrgang 2007, Heft 1, 1 - 10.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch