Mittelalter 2000/1
Heft 2000/1    1. Artikel

Il rivellino dal chastè da Locarno (1507): Leonardo da Vinci en il Tessin?

par Marino ViganĂ²

Il "rivellino" dal chastè da Locarno è ina bastiun pentagonala che sa cumpona da duas fatschas, dus flancs ed ina gula. Ils mirs, circa 18 meters auts, dals quals ins vesa oz mo pli var 10 meters, èn inclinads per 9/10 da la spunda. Sulettamain la part sisum dal parapet è construida verticalmain e las duas parts èn separadas tras in cordun. En ils mirs sa chattan en tut quatter balestreras. Sur mintga balestrera è in chamin per trair giu il fim da pulvra.

Las retschertgas extendidas en ils archivs permettan da datar pli precisamain il temp da construcziun da questa bastiun. Il rivellino è vegnî bajegià sut l'occupaziun franzosa da Locarno (1499-1513), numnadamain l'onn 1507. L'incumbensader è stà Charles II d'Amboise, statalter dal retg franzos Louis XII. Il chastè da Locarno è influenzà da l'art da construir fortezzas da l'Italia centrala, en spezial da la scola da Francesco di Giorgio Martini.

Numerus indizis laschan supponer che Leonardo da Vinci haja fatg il sboz per il rivellino da Locarno, pertge ch'era el è stà in scolar da Giorgio Martini. Il 1506 ha Charles II d'Amboise clamà el a Milaun, nua ch'el ha lavurà il 1507 sco inschigner da fortezzas per il retg. Il medem onn ha Leonardo fatg ina skizza per ina fortificaziun che sto tenor ils spezialists sa chattar damanaivel dal cunfin svizzer. Il plan orizontal da la bastiun skizzada è fitg sumegliant a quel dal chastè da Locarno.

Translaziun: Lia rumantscha, Cuira/Chur

ViganĂ², Marino : Das Rivellino der Burg von Locarno (1507): Leonardo da Vinci im Tessin?
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 5. Jahrgang 2000, Heft 1, 33 - 41.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch