Mittelalter 2007/4
Heft 2007/4    1. Artikel

Novas scuvertas davart la veglia chapellina da Madeln en furma da cuppa

par Jonathan Frey

Scuvert da nov han ins ils bindels da la chapellina da Madeln en furma da cuppa (Topfhelm). Els mussan che la chapellina e la decoraziun dad ella eran il pli tard en il 14avel tschientaner in´unitad inseparabla, perquai ch´ils bindels appartegnevan da l´entschatta davent a la construcziun da la chapellina. Uschia po la stretga colliaziun tranter chapellina e decoraziun, ch´è vegnida cumprovada fin ussa surtut tras funtaunas scrittas e purtrets, era vegnir confermada tras in chat archeologic. Igl è pussaivel che schizunt la furma da la decoraziun ha determinà per part la furma da la chapellina. Da quel temp ha il sentiment per la furma decis davart la furma da la chapellina en sumeglianta maniera sco la funcziun.

Tar la veglia chapellina da Madeln en furma da cuppa para quai da sa tractar d´ina chapellina che vegniva purtada sin la verscha. Ella po vegnir considerada sco chapellina da turnier a basa da sia grondezza, da l´asimmetria tar las foras per l´aria, da la furma radunda e da la metoda raffinada per francar la decoraziun. En la guerra vegn ella ad esser vegnida duvrada mo en cas urgents. Sche quest´interpretaziun constat, è la veglia chapellina da Madeln in dals mussaments ils pli temprivs per armadira fatga aposta per turniers. La midada da chapellinas en furma da cuppa purtadas sin la verscha a chapellinas purtadas sin las spatlas durant l´emprima mesadad dal 14avel tschientaner, che Hugo Schneider ha postulà a basa da purtrets, na po betg vegnir cumprovada tras la chapellina da Madeln. Sche questa midada è tuttina gia succedida en l´emprima mesadad dal 14avel tschientaner, stuessan demussar ulteriuras retschertgas vi da chapellinas originalas.

Translaziun: Lia rumantscha, Cuira/Chur

Frey, Jonathan : Neue Erkenntnisse zum älteren Topfhelm von Madeln
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 12. Jahrgang 2007, Heft 4, 113 - 120.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch