Mittelalter 2008/1
Heft 2008/1    3. Artikel

Servivan las nischas dal chastè da Ringgenberg propi a la chatscha da falcuns?

par Peter Lüps et Marc Nussbaumer

En la fatschada meridiunala ed orientala da la tur sa chattan en tut 56 nischas, ordinadas a moda regulara en duas u trais retschas. Las nischas èn vegnidas integradas durant la construcziun da la tur enturn il 1300. Questas averturas, che disponan da tetgs e bancs da plattas-crap, vegnan interpretadas sco plazs da gnivar per ils utschels. En questas nischas gnivavan probablamain las columbas; la funcziun n’è dentant betg clera. Ils plazs da gnivar n’èn betg cuntanschibels da l’intern da la tur ed era betg da l’extern, perquai ch’ins duvrass stgalas da passa 30 m lunghezza per arrivar sin l’autezza da las nischas.

Igl è pussaivel che las columbas vegnivan duvradas per la chatscha da falcuns. En la Part sura bernaisa è la chatscha da falcuns vegnida cumprovada grazia a divers chats dal 12/13avel tschientaner, era sch’il territori n’è betg adattà per quest tip da chatscha. Forsa ch’il signur feudal ha vulì endrizzar in plaz da gnivar per las columbas, che valevan sco mess da la primavaira u sco portafortuna. In tal tip da nischa n’è anc vegnì scuvert en nagin auter chastè da la Svizra. Perquai pon ins supponer che questas averturas, ch’ins chatta savens en chastels da l’Europa dal Sid, n’èn betg sa cumprovadas qua al nord da las Alps.

(Lia Rumantscha, Cuira/Chur)

Lüps, Peter Nussbaumer, Marc : Dienten die Nischen im Turm zu Ringgenberg wirklich der Beizjagd?
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 13. Jahrgang 2008, Heft 1, 16 - 19.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch