Mittelalter 2008/1
Heft 2008/1    4. Artikel

La revolta da Ringgenberg dal 1381

par Jost Rodolphe Poffet

Durant l’onn 1380 è la populaziun sa revoltada cunter il barun Petermann da Ringgenberg. Quests tumults han gì motivs politics ed economics. La raschun decisiva per la revolta è apparentamain stada la moda da reger da Petermann sco signur feudal. Il chantun Silvania, che vuleva expander gia a la fin dal 13avel tschientaner ses domini territorial sin il sid dal Brünig e la regiun dal Lai da Brienz, ha intervegnì e sustegnì ils revoluziunaris. Il barun è vegnì arrestà e manà en Silvania. Il motiv per il proceder violent dals abitants da Silvania cunter il domini da Ringgenberg è stà ina midada politica en Sur- e Sutsilvania. Quest’acziun ha manà ad in conflict cun la citad da Berna, che considerava la Part sura bernaisa sco sia zona d’influenza. Ils chantuns confederads, als quals appartegneva dapi l’onn 1353 era il chantun da Berna, han sustegnì las pretaisas bernaisas. Silvania ha damai puspè stuì sa retrair dal territori situà al sid dal Pass dal Brünig. L’uschenumnada revolta da Ringgenberg dal 1381 è per Sursilvania e Berna in’etappa impurtanta en il svilup territorial e constituziunal.

(Lia Rumantscha, Cuira/Chur)

Poffet, Jost Rodolphe : Der Ringgenberger Handel von 1381
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 13. Jahrgang 2008, Heft 1, 20 - 23.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch