Mittelalter 2008/2
Heft 2008/2    2. Artikel

Il chastè d’Altenburg a Märstetten TG – residenza principala dals baruns von Klingen?

par Albin Hasenfratz

La ruina d’Altenburg a Märstetten era probablamain pli baud il chastè dals baruns von Klingen resp. von Altenklingen, ina da las pli impurtantas famiglias noblas da la Svizra nordorientala. A basa dals documents ch’èn avant maun na pon ins eruir nagut davart ils anteriurs possessurs. Ils onns 1901-1910 è la ruina vegnida chavada ora per gronda part.

Il cumplex en furma da trapez è 38 meters lung e 23 meters lad e cumpiglia var 600 m2. Sco ch’i para sa tracti d’ina fortezza plitost flaivla: ils mirs èn satigls ed i manca ina tur principala. Enstagl da quella inscuntrain nus mo ina tur dal portal pli pitschna ch’è probablamain vegnida construida pir en ina fasa posteriura. Il chastè para dentant d’esser stà decorà ritgamain; quai laschan almain supponer las picturas muralas chattadas en tut las stanzas examinadas. Tranter il stgars material chattà, che po vegnir datà avant l’onn 1200, èn ornaments da cassettas surdorads d’origin oriental.

Il chastè è probablamain vegnì destruì tras in incendi, suenter ch’el era vegnì rumì cumplettamain, sco quai ch’ils stgars chats e las paucas categorias da chat mussan.

(Lia Rumantscha, Cuira/Chur)

Hasenfratz, Albin : Die Altenburg bei Märstetten TG – Stammsitz der Herren von Klingen?
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 13. Jahrgang 2008, Heft 2, 53 - 60.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch