Mittelalter 2008/2
Heft 2008/2    3. Artikel

La ruina Chastel a Tägerwilen TG

par Eva Meier

La ruina Chastel sa chatta a la spunda vers il lai al sidost da Constanza. Anc oz ves’ins che la ruina era in lung cumplex fortifitgà. Grondas parts dal mir da tschinta èn sa mantegnids. Il medem vala per ina tur dad anc passa 15 m en il nordvest ed ils rests dad ina tur radunda en il sidost. Il fundament extendì da l’edifizi sper il mir al nord, sco era ils rests da stabiliment al mir dal sid, procuran al mument anc per discussiuns. L’access a la fortezza sa chatta al nord. Entrar stuev’ins tras in portal al pe da la tur e tras ina curt externa.

Davart la preistorgia da la ruina da fortezza na san ins anc nagut, in chastè roman n’era quai però segiramain betg. In emprim cumplex fortifitgà è tenor funtaunas documentadas vegnì construì da l’uvestg Ulrich I (1111–1127), ma gia ses successur uvestg Ulrich II ha para puspè sbuvà quel l’onn 1128. Sch’igl existan anc rests da questa emprima fortezza, n’è anc betg sclerì. Il pli tard en il 13avel tschientaner è la fortezza puspè vegnida erigida, perquai ch’ils uvestgs da Constanza han residià en il 13avel e 14avel tschientaner regularmain en la fortezza Chastel ed han era emess là documents. En consequenza a las tensiuns tranter ils Confederads e l’Imperi tudestg han ils Confederads dà fieu a la fortezza Chastel ed ella è vegnida destruida. La fortezza è suenter restada ina ruina, ed ins n’ha construì nagut pli sin quest plazzal.

L’origin dal chastè da Chastel va enavos sin la fin dal 16avel tschientaner. Sia furma actuala ha el survegnì grazia a las construcziuns dal 18avel e las transfurmaziuns dal 19avel tschientaner. Il chastè e la ruina èn restads fin al di d’oz en possess dad ina famiglia.

(Lia Rumantscha, Cuira/Chur)

Meier, Eva : Die Ruine Chastel in Tägerwilen TG
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 13. Jahrgang 2008, Heft 2, 61- 68.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch