Mittelalter 2008/2
Heft 2008/2    4. Artikel

Il chastè da Frauenfeld – ina fortezza medievala

par Felicitas Meile

Il museum istoric dal chantun Turgovia sa chatta oz en il chastè da Frauenfeld. Dapi il 19avel tschientaner han perscrutaziuns purtà a la glisch la significaziun istorica da l’edifizi e preschentà il chastè sco lieu dad in’istorgia cuminaivla da la populaziun da la Turgovia.

La fortezza erigida tranter il 1230 ed il 1240 era in dals emprims stabiliments da crap da la citad construida tenor sistem. La tur or da craps erratics, cun in edifizi d’abitar agiuntà vers sid ed ina curt cun ina passarella da defensiun vers vest, era protegida vers nord cun in foss e mirs da tschinta. Las construcziuns supplementaras e las transfurmaziuns dal 13avel e dal 14 avel tschientaner dattan anc oz la tempra a l’aspect exteriur. Cun excepziun dal tetg da la tur è sa midà pauc durant ils suandants 250 onns. Dapi l’onn 1534 ha abità en il chastè in podestat responsabel per l’administraziun e la represchentaziun. Il podestat era sin il chastè per mintgamai ina perioda d’uffizi da dus onns. En l’emprima mesadad dal 19avel tschientaner èn vegnidas fatgas modificaziuns rigurusas per adattar il stabiliment als basegns dad ina sedia d’administraziun statala.

Cura ch’il chastè avess stuì far plazza ad ina construcziun nova dad in cumprader privat, è ina gronda part da la populaziun sa solidarisada cun il vegl edifizi. Pir cura ch’il derschader superiur ha cumprà il chastè l’onn 1867, al ha el salvà da la sbuvada cumpletta. Cun la transfurmaziun dals onns 1958 fin 1960 ad in museum han ins procurà ch’il chastè guardia puspè ora sco avant il 19avel tschientaner. En vista a la proxima sanaziun vegn l’utilisaziun dal museum reponderada.

(Lia Rumantscha, Cuira/Chur)

Meile, Felicitas : Schloss Frauenfeld – eine mittelalterliche Burg
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 13. Jahrgang 2008, Heft 2, 69 - 81.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch