Mittelalter 2008/3
Heft 2008/3    2. Artikel

L’engrondiment da la citad da Lutry e ses port medieval

par Valentine Chaudez

Las perscrutaziuns archeologicas dals onns 1999 e 2000 al sidvest da la citad medievala da Lutry dattan novas invistas en il svilup da la lingia da riva e da l’engrondiment da la citad. Il foburg, che sa chatta al vest dal center da la citad, para d’esser bain sviluppà avant la mesadad dal 13avel tschientaner. Il spazi dal futur engrondiment da la citad cumpiglia gia in port. La “citad externa” da Lutry n’è perquai betg propi ina nova fundaziun, malgrà ch’ella vegn numnada «bourg neuf» dapi il 16avel tschientaner.

La scuverta da varsaquants pals d’in mir da rempar permettan da datar la construcziun dal mir da la citad per la fin dal 13avel tschientaner. Il mir da la citad furma in cuntschet che tanscha ora en il lai. El protegia ina gronda surfatscha dal vent e da las undas ch’è senza dubi vegnida utilisada sco port. Da vart sura dal port stattan plirs mirs che pon vegnir cumplettads ad in grond rectangul. Quel po avair servì sco magasin u halla da martgà. A la vart meridiunala dal cuntschet han ins chattà ina plattafurma che furmava il fundament d’ina tur da chantun menziunada en las funtaunas. Questa tur da chantun pudess esser stada in post per controllar il traffic da rauba.

Tut quests stabiliments paran d'avair existì avant quellas hallas e quel port menziunads en las funtaunas scrittas e situads ordaifer l'engrondiment da la citad.

(Lia rumantscha Cuira/Chur)

Chaudez, Valentine : Le Bourg extérieur de Lutry et son port médiéval
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 13. Jahrgang 2008, Heft 3, 119 - 128.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch