Mittelalter 2008/3
Heft 2008/3    1. Artikel

„Ripaille 1900“: tranter residenza feudala e chasa da champagna burgaisa – resultats d’in nov studi dal chastè

par Elisabeth Crettaz-Stürzel

Il chastè da Ripaille a Thonon-les-Bains en l’Auta Savoia è vegnì restaurà dal 1892 fin il 1907 ed è stà il domicil secundar dal ritg industrial da textilias alsazian da Mulhouse, Frédéric Engel-Gros, che abitava a Basilea-Gundeldingen. L’incumbensa da restaurar il chastè ha el dà als dus architects svizzers Frédéric de Morsier, Genevra, e Charles Schulé, oriundamain era da Genevra, ma etablì a Mulhouse. Els han transfurmà la residenza dal duca Amédée VIII da Savoia, construida en il 15avel tschientaner a la riva dal Lai da Genevra, en ina chasa da champagna burgaisa. Heinrich Angst, in ami dad Engel-Gros, commerziant d’art e l'emprim directur dal Museum naziunal svizzer, e sia equipa d’artists da Turitg (Regl, Hinnen, Bertuch e Schmidt) han gì ina gronda influenza sin las construcziuns internas dal chastè da Ripaille. Sco motiv principal ha servì il temp medieval tardiv or da la perspectiva dad arts and crafts, da l’art nouveau (jugendstil) e dal stil indigen. Remartgabel è il grond confort igienic cun tualettas d’origin englais (Georges Jennings, Londra). Quai che distingua il chastè da Rippaille dal temp enturn l’onn 1900 è ses stadi da mantegniment extraordinari. La substanza artistica da la modernisaziun è anc cumplettamain avant maun. Quai vala era per las installaziuns tecnicas sco ils conducts, il stgaudament central, la cuschina ed il bogn. Il stadi original dal chastè «Ripaille 1900» è unic cumpareglià cun auters edifizis da la medema epoca en autras parts da l’Europa.

(Lia Rumantscha, Cuira/Chur)

Crettaz-Stürzel, Elisabeth : "Ripaille 1900": entre résidence féodale et "country house" bourgeoise - Résultats d'une nouvelle étude du château
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 13. Jahrgang 2008, Heft 3, 101 - 118.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch