Mittelalter 2008/4
Heft 2008/4    2. Artikel

Il chastè da Birseck sco element da l’iert englais en la "Eremitage" dad Arlesheim

par Michael Schmaedecke

Il chastè da Birseck situà sur la "Eremitage" dad Arlesheim – pli baud l’"abitaziun da servetsch" da l’uvestg da Basilea e da ses chastellans – n’era oriundamain betg cumpiglià en il parc, aveva dentant ina funcziun impurtanta sco "point de vue" dal cumplex. Il parc è vegnì destruì il 1792/1793. Il nov possessur Konrad von Andlau, figl da l’anteriur chastellan episcopal e da la cuninizianta da l′iert, ha laschà reconstruir quel ed ha gist integrà era il chastè donnegià. Konrad von Andlau, che sperava da pudair fitgar pe en la regiun, ha empruvà d′etablir l′architectura da culissa dal chastè sco residenza da famiglia ed ha agiuntà il num dal chastè a sia schlatta (von Andlau-Birseck). El ha laschà construir ina "sala da chavaliers" ornada cun "reliquias da famiglia". La chaplutta dal chastè è vegnida cuverta cun in nov arvieut e picturada cun frescos neogotics che illustravan la tradiziun da la famiglia. La famiglia ha vendì il possess, suenter ch’ella aveva pers la speranza da returnar ad Arlesheim. Suenter pliras midadas da maun ha in fabricant da saida da Basilea cumprà il chastè per pudair illustrar a moda represchentativa ses success economic. In da ses ertavels ha probablamain laschà montar vi da la paraid interna dal mir da tschinta la vopna svizra, las vopnas dals chantuns svizzers e las annadas 1308 e 1848. Cun quai vuleva el demussar sia tenuta positiva envers la "nova" Svizra sco stadi democratic e modern.

(Lia Rumantscha, Cuira/Chur)

Schmaedecke, Michael : Die Burg Birseck als Element des englischen Gartens der Arlesheimer Eremitage
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 13. Jahrgang 2008, Heft 4, 159 - 170.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch