Mittelalter 2009/1
Heft 2009/1    1. Artikel

Sattel SZ, la tur da la Letzi u Schornen a Morgarten Examinà l′istorgia da construcziun l’onn 2007

par Jakob Obrecht

Il 2007 èn vegnids sanads il tetg e las fatschadas da la tur da la Letzi a Morgarten. En in’emprima fasa han ins examinà l′istorgia da construcziun da la miraglia. La tur, construida enturn il 1322 a la moda d′ina tur residenziala autmedievala, flancava la porta da la Letzi che traversava la val integrond las costas dal grip lateralas.

Il 1916 è la tur arsa ora dal tuttafatg. Il tetg e tut las construcziuns da lain èn idas si en flommas. Uschia n′èsi deplorablamain betg stà pussaivel da datar l′ovra cun agid da la dendrocronologia. Il bist da mir, curunà d’in tetg a piz, era oriundamain ina plattafurma da defensiun. Cun gronda probabladad sa tractavi d′in clerestori cun in tetg en furma da piramida. In’infrastructura sco ina latrina u schizunt in stgaudament, che avess permess ad ina garnischun da prender alloschi per in temp pli lung, n′exista betg.

En il decurs da l′examinaziun èn vegnidas mesiradas e cartadas tut las foras existentas en la miraglia per fixar las travs e las puntanadas. En il computer èn ils resultats vegnids transferids en ina represchentaziun virtuala da la tur. Sin quella sa basan ils dissegns da reconstrucziun da la puntanada e da la passarella necessaria per cuntanscher l′entrada elevada.

(Lia Rumantscha, Cuira/Chur)

Obrecht, Jakob : Sattel SZ, Letzi- oder Schornoturm am Morgarten Bauhistorische Untersuchung 2007
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 14. Jahrgang 2009, Heft 1, 1 - 17.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch