Mittelalter 2009/1
Heft 2009/1    2. Artikel

Ina fortezza medievala a Champagne-Le Moulin (VD)

par François Menna

Durant las lavurs da construcziun è vegnida scuverta sulettamain ina part da quest’ovra da defensiun. Tut ils 267 lains ch’èn vegnids a la glisch èn da ruver. Els pon vegnir classifitgads en quatter tips: ils blocs orizontals, las pitgas verticalas, las astas inclinadas ed il material per emplenir (ill. 4, 5, 6). A maun dals resultats èsi stà pussaivel da reconstruir il princip da la fortezza (ill. 7): ils blocs, emplunads orizontalmain ad ina paraid da lain, èn vegnids fixads cun pitgas en il terren. Tranter las singulas rasadas da blocs han ins inserì astas cun pizs che vargavan or da la paraid da lain.

A basa da las examinaziuns dal terren en il conturn pon ins reconstruir ipoteticamain il plan orizontal da quest’ovra da defensiun. I sa tracta d’ina dustanza en furma da staila, sco che nus l’enconuschain da tschientaners successivs sco tip "Vauban".

Actualmain n’èsi anc betg dal tuttafatg cler per tge intent ch’ins ha construì questa fortezza a l’entschatta dal 14avel tschientaner. Ella è situada damanaivel da la punt sur l’Arnon, in aual sper Champagne-Le Moulin. La scuverta metta dentant ils eveniments da las guerras burgognaisas en ina nova glisch. La battaglia da Grandson (1476), nua che las truppas da Carl il Temerari èn vegnidas stgatschadas, ha gì lieu en la vischinanza da questa plazza archeologica, numnadamain da la vart sanestra da l’Arnon, damanaivel d’ina punt e d’in mulin.

(Lia Rumantscha Cuira/Chur)

Menna, François : Eine mittelalterliche Wehranlage in Champagne-Le Moulin (VD)
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 14. Jahrgang 2009, Heft 1, 18-26.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch