Mittelalter 2009/3
Heft 2009/3    2. Artikel

La scuverta d′in guant da battaglia en la ruina dal chastè da Hünenberg ZG: ina contribuziun davart il svilup tipologic da las armas da protecziun medievalas durant il 14avel tschientaner

par Jonathan Frey

Il guant da battaglia ch′ins ha scuvert durant las exchavaziuns en la ruina dal chastè da Hünenberg po vegnir datà - sin fundament dad ulteriurs chats archeologics ed en cumparegliaziun cun funtaunas illustrativas - vers la fin dal 14avel tschientaner. Il guant è pia in da paucs exempels da parts d′armadiras da quest gener en Svizra.

Sin fundament da las funtaunas scrittas e dals chats archeologics fatgs fin ussa, è il chastè da Hünenberg probablamain vegnì destruì en in cumbat il 1388. Il guant da battaglia ch′era vegnì sepulì da las restanzas dals mirs, sa cumpona da relativamain paucas lamellas da metal e da paucas giugadiras per muventar la detta. Quellas èn colliadas ina cun l′autra cun rebats. Quella construcziun mussa bain co che las lamellas da metal èn daventadas adina pli grondas durant il 14avel tschientaner e co ch′ils guants èn uschia vegnids adina pli steris. Plinavant è il guant tgunsch in dals emprims guants da battaglia ch′è vegnì ornà; sia construcziun na resguarda betg pli l′anatomia umana.

Sch′ins cumpareglia il guant da battaglia da Hünenberg cun la figura giaschenta dal chavalier Hüglin von Schönegg (St. Leonhard, Basilea), davent′ins conscient dals problems metodics che pon sa tschentar en connex cun la dataziun da parts d′armadiras a maun da monuments da fossa ch′èn datads apparentamain exact. Chats che pon vegnir datads a moda absoluta n′èn perquai betg mo per il svilup tipologic da parts d′armadiras da gronda impurtanza, els pon era dar infurmaziuns relevantas en connex cun la dataziun da sculpturas.

(Lia rumantscha, Cuira/Chur)

Frey, Jonathan : Der Neufund eines Panzerhandschuhs aus der Burgruine H├╝nenberg ZG: ein Beitrag zur typologischen Entwicklung der mittelalterlichen Schutzbewaffnung im 14. Jahrhundert
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 14. Jahrgang 2009, Heft 3, 91 - 102.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch