Mittelalter 2009/4
Heft 2009/4    2. Artikel

L’examinaziun da construcziun da la tur e dal mir da defensiun da la ruina da Hohensax, Sennwald SG, 2008

par Jakob Obrecht

La tur ed il mir da defensiun dal vast cumplex da la ruina da Hohensax èn vegnids conservads il 2008. L’examinaziun da construcziun dals mirs ch’ins ha fatg ordavant ha mussà che la tur megalitica, construida probablamain a l’entschatta dal 13avel tschientaner, è arsa per part curt avant l’onn 1315 ed è alura puspè vegnida reparada. Il segund plaun, il tetg e la galaria a l’entrada elevada han ins stgarpà giu ed alura construì da nov. A chaschun da questa renovaziun ha la tur survegnì a la vart nord dal segund plaun ina segunda, nova galaria.

La data da construcziun dal mir da defensiun che frunta sin la tur n’han ins betg pudì definir. I dat però indizis che laschan supponer che quest mir da pli che dus meters grossezza è vegnì construì durant la renovaziun dal cumplex suenter l’emprim incendi da la tur. Las diesch foras da trav conservadas a l’exteriur dal mir da defensiun eran probablamain ils purtaders da la galaria da defensiun che tanscheva oriundamain enfin a la tur.

Exchavaziuns archeologicas en la zona davos il mir da defensiun gidassan betg mo a cumplettar il plan orizontal dal cumplex, mabain furnissan era bleras novas infurmaziuns davart l’istorgia da la construcziun e da la vita da mintgadi dals abitants da quest cumplex fortifitgà ch’ils Appenzellais han destruì il 1446 durant ils scumbigls da la Veglia guerra da Turitg.

(Lia Rumantscha Cuira/Chur)

Obrecht, Jakob : Die Bauuntersuchung an Turm und Schildmauer der Ruine Hohensax, Sennwald SG, 2008
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 14. Jahrgang 2009, Heft 4, 135 - 160.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch