Mittelalter 2011/1
Heft 2011/1    2. Artikel

Ascona: Castello dei Griglioni – observaziuns areguard l'istorgia da la construcziun Ina skizza

par Udo Liessem et Stefan Lehmann

IIl Castello dei Griglioni, erigì enturn il 1250 ad Ascona a la riva dal Lago Maggiore, ha merità dapli attenziun che quai ch´el ha survegnì fin ussa.

Il chastè-fortezza construì sin in terren guliv e cun in plan orizontal regular era circumdà, ensemen cun ses avantchastè medemamain ordvart regular en il vest, d´in foss. La fortezza centrala, in rectangul cun la part graschla en direcziun dal lai, vegn dividida per lung d´ina senda tschinclada cun in mir en dus tocs tuttina gronds: la mesadad vers vest para en general d´esser libra da surfabricaziuns. Là sa chattava l´iert, quai che na signifitga però betg ch´i n´ha betg era dà qua singuls edifizis. En la part vers l´ost eran erigids ils bajetgs principals, tranter auter er il sectur d´abitar da la famiglia Griglioni che possedeva il chastè-fortezza e che derivava da la noblezza citadina da Milaun. La fortezza situada datiers da la riva dal Lago Maggiore dastgass er avair servì sco susta fortifitgada per rauba da transport durant la midada da l´aua sin terra.

Las quatter turs da chantun marcantas eran extraordinarias, cunquai ch´ellas n´eran betg – sco usitadamain – construidas davant las curtinas, mabain accentuavan en il sectur intern ils chantuns dal rectangul dal chastè. Ina planisaziun ponderada, ina realisaziun fitg premurusa, in´accentuaziun dals chantuns da las turs entras crappa stgalprada sco era portals impressiunants, medemamain construids cun crappa stgalprada, dattan perditga ch´il Castello ha – malgrà sia substanza architectonica mantegnida mo per part ed en pli surbajegiada – ina posiziun impurtanta tranter ils chastels-fortezza dal Tessin.

(Lia Rumantscha Cuira/Chur)

Liessem, Udo Lehmann, Stefan : Ascona: Castello die Griglioni – Beobachtungen zur Baugeschichte – Eine Skizze
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 16. Jahrgang 2011, Heft 1, 15 - 35.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch