Mittelalter 2011/4
Heft 2011/4    2. Artikel

Las funcziuns da las localitads ed ils schemas d’equipament en chastels – las pussaivladads da l’archeologia

par Christina Schmid

En il center da l’examinaziun che vegn preschentada qua stat la dumonda tge che contribuescha l’archeologia ad in’examinaziun da las funcziuns da las localitads e dals schemas d’equipament en residenzas aristocraticas. Per in’analisa funcziunala da las localitads èn ultra da las restanzas architectonicas cunzunt er impurtants ils objects chattads en las localitads. Per examinar schemas da repartiziun spazials èn rapports davart cundiziuns da furmaziun specificas spezialmain adattads: lieus da chat, nua che la fin da l’activitad umana è vegnida chaschunada d’in eveniment imprevis (p.ex. in incendi catastrofal). En quest cas han ils umans gì pauc temp d’influenzar a moda decisiva la situaziun che chattan la finala ils archeologs. Sche la posiziun dals objects n’è betg vegnida midada pli tard, dastg’ins supponer – sa basond sin las circumstanzas da furmaziun dal chat archeologic – che lur funcziun respectivamain lur diever po vegnir definì a maun da lur posiziun ed interacziun cun auters objects.

Grazia a las analisas spazialas dals objects da chat han ins pudì cumprovar tschertas activitads che avevan lieu en ils chastels. Da cundiziuns fitg favuraivlas èn era pussaivlas conclusiuns davart la funcziun dad ina localitad u dad in bajetg. La basa da tals chats è dentant anc memia falombra per deducir schemas respectivamain concepts da las constataziuns acquistadas. Cun far en l’avegnir pli gronda attenziun al lieu da chat dals objects vegnan pussaivlas constataziuns franc anc pli extendidas davart l’utilisaziun dals differents secturs entaifer in chastè sco era davart ils umans che vivevan en el.
Lia Rumantscha (Cuira/Chur)

Schmid, Christina : Raumfunktionen und Ausstattungsmuster auf Burgen - die Möglichkeiten der Archäologie
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 16. Jahrgang 2011, Heft 4, 155 - 180.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch