Mittelalter 2012/1
Heft 2012/1    2. Artikel

Restanzas d’animals or da l’anteriura tur principala dal chastè da Brunegg AG

par Heidemarie Hüster Plogmann

244 vanzadiras da spaisas dad 1,8 kg dattan in’invista en il nutriment dals lavurers da construcziun che han bajegià l’emprima mesadad dal 13avel tschientaner la fortezza centrala dal chastè da Brunegg (AG). Per l’ina sa tracti da costas (fimentadas?) da bovs e portgs purziunadas en strivlas da 10 fin 20 cm ladezza. Ultra da quellas costas da bovs e portgs ch’ins ha chattà stediamain, èn era vegnids a la glisch fragments d’ossa che dattan infurmaziuns nunsistematicas davart tut las parts dal corp. Naginas da las restanzas d’animals renvieschan però a la consumaziun d’animals fitg vegls. Las purziuns da charn consumadas illustreschan in nutriment surprendentamain luxurius sco er il consum da giaglinas – e sco mussaments singuls – da salmun, nursa (u chaura) e lieur. I dat malgrà tut indizis clers da charn da segunda qualitad: ina chomma–portg dat perditga ch’igl era vegnì mangià charn fitg inflammada ed era l’oss dal bratsch sura d’in giattel (sche quel po insumma vegnir attribuì a las vanzadiras da spaisas) n’è betg da valitar sco charn d’emprima qualitad. Tut en tut pon las vanzadiras da spaisas damai illustrar purziuns da charn main qualitativa d’ina cuschina signurila.

Lia Rumantscha (Cuira/Chur)

Hüster Plogmann, Heidemarie : Tierreste aus dem ehemaligen Hauptturm von Schloss Brunegg AG
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 17. Jahrgang 2012, Heft 1, 29 - 33.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch