Mittelalter 2012/2
Heft 2012/2    4. Artikel

"... ina vaira paraula da temps vegls." – Il lieu medieval Richensee

par Fabian Küng

Dals onns 1237 fin 1242 han ils conts da Kyburg construì in chastè sin territori anc betg surbajegià a la riva al nord dal Lai da Baldegg. Quest chastè serviva sco sez da lur chastellan ed era il lieu da l’administraziun per ils bains e dretgs kyburgais dal Seetal e dal Michelsamt. La ruina da la tur monumentala che exista anc oz represchenta ina da las modas da construir cun megalit las pli impressiunantas dal temp medieval.

La vischnanca da Richensee ch’è sa furmada enturn la tur sco nov abitadi en in conturn d’abitar vegl ha ina posiziun particulara en la cuntrada d’abitadi dal Seetal. En la segunda mesadad dal 13avel tschientaner è ella sa sviluppada ad in lieu da martgà, il medem mument è il chastè daventà il center administrativ d’in uffizi habsburgais. La "Alte Schmitte", in edifizi dasper la ruina da la tur che serviva en il cor da la vischnanca sco center administrativ dals Habsburgais dat anc oz perditga da l’impurtanza da quest lieu.

Il lieu da martgà Richensee n’ha però mai cuntanschì ni giuridicamain ni architectonicamain il status d’ina citad. Ils mirs ch’èn vegnids scuverts en il rom d’exchavaziuns l’onn 1938 n’eran betg restanzas dal mir da la citad sco quai ch’ins aveva pensà, mabain il rempar construì il temp modern da la riva da la peninsla ch’è protegida a maniera natirala grazia al lai ed al flum Aabach. La "citadetta" Richensee ch’è documentada en cronicas dal 15avel tschientaner n’ha damai mai existì sco fundaziun kyburgaisa u habsburgaisa. La noziun "citad" na duess perquai en l’avegnir betg pli vegnir utilisada en connex cun Richensee.
Lia Rumantscha (Cuira/Chur)

Küng, Fabian : "... ein leibhaftiges Märchen aus alten Zeiten." – Das mittelalterliche Richensee
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 17. Jahrgang 2012, Heft 2, 103 - 117.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch