Mittelalter 2012/3
Heft 2012/3    1. Artikel

Chastels da citad or d’ina nova perspectiva – per exempel Sempach e Sursee

par Christoph Rösch

En il rom dal project "Archeologia dal temp medieval tempriv fin tardiv al Lai da Sempach – l’istorgia tempriva d’ina cuntrada da citads en la regiun prealpina" che vegn purtà dal Fond naziunal svizzer e da l’Archeologia chantunala da Lucerna po vegnir persequitada la dumonda dals chastels da citad en las citads da fundaziun Sempach e Sursee.

L’evaluaziun d’ina perscrutaziun da construcziun al "Hexenturm" a Sempach demussa che questa tur n’era betg ina tur da defensiun, mabain ina tur abitada ch’è vegnida erigida ensemen cun il mir da la citad. La tur è da considerar sco chastè da citad che na sa chatta betg en la chasa–cumin sco quai ch’igl aveva num pli baud.

L’analisa da funtaunas scrittas e da funtaunas archeologicas sco era d’observaziuns da l’istorgia da construcziun mussan en il Murihof marcant da Sursee il chastè da citad. Il Murihof è d’attribuir a l’edifizi "Grosses Haus" dals ducas da Habsburg–Austria che al han assegnà la fin dal 14avel tschientaner sco feud. En vardad è il Murihof in edifizi fitg grond ch’è vegnì construì avant u ensemen cun il mir da la citad.

La posiziun auta al chantun u a l’ur da la citad caracterisescha il Hexenturm da Sempach ed il Murihof. In lieu ch’è bunamain la regla per chastels da citad da citads da fundaziun. Questa posiziun è vegnida fixada pir cun la construcziun da l’infrastructura urbana. Edifizis da crap dal temp avant la fundaziun da la citad ch’èn a basa da lur furma da construcziun probablamain stads edifizis dal domini feudal sa chattavan en auters lieus ed èn vegnids integrads en il mir da la citad tant a Sempach sco er a Sursee. Las portas èn vegnidas plazzadas directamain dasperas. Ellas servivan probablamain sco puncts fixs per l’organisaziun dal mir da la citad e la posiziun d’ina porta.
Lia rumantscha, Cuira/Chur

Rösch, Christoph : Stadtburgen neu betrachtet – am Beispiel von Sempach und Sursee
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 17. Jahrgang 2012, Heft 3, 129 - 138.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch