Mittelalter 2012/3
Heft 2012/3    2. Artikel

Sursee: ina chasa da crap signurila a la porta sura

par Peter Eggenberger

En in document dal 1256 vegn menziunada l’emprima giada la citad da Sursee. La fortezza, ch’è medemamain vegnida numnada lezza giada, è vegnida construida fitg a l’engronda fin ch’ella è stada en ses stadi final. Il mir da defensiun ed il foss vegnivan cumplettads d’ina "passarella da defensiun" che vegniva protegida d’in segund mir. Perscrutaziuns archeologicas en il territori da l’anteriura porta sura permettan da definir pli exactamain tschertas fasas da construcziun da la fortezza sco er il fundatur ed il temp da la fundaziun da la citad.

Pelvair correspunda il document dal 1256 er al temp da la fundaziun tras cont Hartmann V. (il giuven) da Kiburg, l’ertavel dals conts da Lenzburg sco suveran e patrun da la baselgia da la citad (in’atgna baselgia dal temp medieval tempriv). Il nov abitadi è uschia probablamain vegnì erigì sin funs che appartegneva als bains ecclesiastics.

Empè da la porta sura existiva oriundamain mo in simpel mir da protecziun cun ina porta per passar; ina tur ed ulteriuras amplificaziuns, tranter auter la "passarella da defensiun", èn vegnids tiers pir pli tard (14avel fin 16avel tschientaner?). En il rom dal svilup ad ina citad "moderna" èn la tur ed il mir vegnids destruids il 1873.

Fitg interessant è l’integraziun d’ina "chasa franca" suburbana dal temp medieval classic en il mir da defensiun. Probablamain sa tracti da la curt signurila (curtis, menziunada il 1045) che ha servì fin a la fundaziun da la citad sco administraziun dals bains comitals da la vischinanza directa. Ensemen cun la baselgia ed il chastè da citad a la "porta davos" appartegneva la chasa da crap da quatter auzadas a las perditgas visiblas da la pussanza aristocratica en la citad giuvna. Suenter differentas fasas da renovaziun han la curt, sco chasa abitada, ed il chastè da la citad "Murihof" (chasa cumin da la claustra da Muri) survivì fin oz.
Lia rumantscha, Cuira/Chur

Eggenberger, Peter : Sursee: ein herrschaftliches Steinhaus am Obertor
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 17. Jahrgang 2012, Heft 3, 139 - 148.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch