Mittelalter 2013/2
Heft 2013/2    1. Artikel

Tranter citad e champagna  Saint-Antoine e Rouelbeau, dus impurtants plazzals archeologics sin territori genevrin

par Jean Terrier et Evelye Broillet-Ramjoué et Michelle Joguin Regelin

A la periferia a l'ost da la citad han ins construì l'onn 1994 ina chasa da parcar sutterana en il territori da la plazza davant l'edifizi Saint-Antoine. Ins ha scuvert ils fastizs da pliras etappas da la fortezza da la citad da Genevra. Entasum èn ils fastizs dal mir da la citad dal temp medieval ch'è vegnì construì tranter 1287 e 1330. Vi da quel mir cunfina il fundament dad ina mezza tur che vegn numnada en las funtaunas dal 1509 «tour de Lépreux». Enturn l'onn 1537 han ins fabritgà davant il mir da la citad in nov mir da defensiun ed erigì la fortezza Saint-Laurent. Da questa fortezza ves'ins ils mirs exteriurs en la chasa da parcar. Enturn il 1559/60 han ins lura erigì suravi la gronda bastiun Saint-Antoine e cuvrì tut las structuras anteriuras.

Gia cun construir la chasa da parcar han ins remartgà ch'in champ da fossas da 68avel tschientaner sa chatta en quest territori. Durant la transfurmaziun da la plazza davant l'edifizi Saint-Antoine han ins era chattà l'onn 2010  2012 la baselgia da sepultura sut la bastiun.

La ruina da chastè Rouelbeau sper Meinier GE è ina da las raras perditgas da l'architectura da chastels dal temp medieval sin territori genevrin. En il rom da la renatiralisaziun dals curs da flums e dad auals en il chantun da Genevra han ins transmidà ina gronda part dal territori en in lai artifizial. Quest lai, che sa chatta en il sidost dal chastè, è sa sviluppà ad in biotop da palì.

Quai ha intimà il Servetsch chantunal archeologic da Genevra da far in'examinaziun generusa dal territori. Ils patruns da construcziun dal temp medieval han sco ch'i para resguardà ils conturns da palì cun construir il chastè Rouelbeau: ina collina artifiziala mantunada per construir il chastè è vegnida documentada il 1339. Il project scientific ha cumenzà la primavaira dal 2001 ed ha la finamira da perscrutar l'istorgia da construcziun da l'edifizi e da conservar la ruina sa basond sin las novas enconuschientschas.

Gia suenter curt temp han las examinaziuns archeologicas purtà scuvertas extraordinarias, numnadamain la cumprova d'ina construcziun spaziusa da lain sut las ruinas dal chastè da crap. Il fatg che quest chastè da lain vegn descrit en in document dal 1334 è remartgabel. Il resultat da las perscrutaziuns sin questa plazza maina a novas enconuschientschas areguard l'utilisaziun da lain per la construcziun da chastels en il temp tardmedieval.
(Lia Rumantscha, Cuira)

Terrier, Jean Broillet-Ramjoué, Evelye Joguin Regelin, Michelle : Entre ville et campagne - Saint-Antoine et Rouelbeau, deux chantiers archéologiques majeurs en territoire genevois
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 18. Jahrgang 2013, Heft 2, 25-35.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch