Mittelalter 2013/4
Heft 2013/4    2. Artikel

Far raquintar la miraglia: Matthäus Pfau ed il protomuseum en il chastè da Kyburg (18641877)

par Nanina Egli

Matthäus Pfau (18201877), in commerziant da Winterthur, ha cumprà il chastè da Kyburg ed ha vivì lien a partir dal 1865. Per ina taxa d'entrada modesta mussava el als interessads sia collecziun da picturas renumadas, d'instruments da tortura, da bellas mobiglias e da statuettas che represchentavan scenas istoricas. Millis da visitaders han profità da la chaschun ed han visità il chastè da Kyburg. L'edifizi sco tal, il chastè, è daventà in object da la collecziun adina pli impurtant, ed a la fin era il chastè da Kyburg sez l'object principal. Quai che tuna per nus sco in tipic «museum» na vegniva da quel temp betg numnà uschia. Pfau envidava ils visitaders da prender part sco giasts a sia vita privata. En il tractat statti scrit che Pfau transferiva il «paradigma d'indizis», enconuschent ad el da l'istorgia d'art, sin l'architectura dal chastè e fascheva uschia raquintar la miraglia mitta l'istorgia. Las metodas rabiatas  el ha tranter auter pitgà giu la liadira da las paraids per render visiblas las picturas  ston vegnir interpretadas sco l'expressiun contemporana d'in basegn da vulair guardar davos las fatschadas. Sco politicher dal moviment democratic era l'instrucziun dal pievel ina da sias finamiras principalas. Il protomuseum en il chastè da Kyburg è uschia daventà insatge che correspunda pli fitg a nossa imaginaziun d'in museum che las instituziuns tituladas da lezzas uras sco museums.

Lia Rumantscha (Cuira)

Egli, Nanina : Mauern zum Erzählen bringen: Matthäus Pfau, das Indizienparadigma und das Proto-Museum auf Schloss Kyburg (1864 - 1877)
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 18. Jahrgang 2013, Heft 4, 108 - 115.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch