Mittelalter 2013/4
Heft 2013/4    3. Artikel

La sala da chavaliers en il Bärenturm  l'entschatta dal museum en il chastè da Burgdorf

par Armand Baeriswyl

L'administraziun dal chantun fundà il 1831 residiava savens sco ses antecessurs en anteriurs chastels e claustras. Tranter auter er a Burgdorf. Il 1884 prenda l'uffizi da construcziun auta en mira il palaz zähringic dal chastè da Burgdorf, cunquai ch'el tschertgava ina nova plazza per la praschun ch'i valeva d'engrondir. Ils indigens, per ils quals questa sala era apparentamain enconuschenta gia pli lung temp sco «la sala da chavaliers», han fatg ferma opposiziun cunter quests plans. Igl è sa furmada ina cumissiun en favur da la sala da chavaliers, a la quala igl è reussì da restaurar l'onn 1886 la sala da chavaliers tenor sias imaginaziuns. Las paraids eran da nov picturadas en il stil dal 14avel tschientaner cun vopnas da famiglias aristocraticas, la fanestra radunda mirada si da la chaplutta era vegnida averta e decorada cun vitraglias istoricas ed il chamin cun las pitgas existentas è danovamain vegnì munì cun in chapitsch.

L'anteriura intenziun da transfurmar la stanza en ina sala da chavaliers dal 14avel tschientaner è vegnida messa adina pli fitg a chantun. Prest era la sala fullanada cun vaidrinas, maisas ed ina gronda stgaffa dubla, sin la quala giaschevan u stevan objects istorics cumprads u savens er obtegnids sco regals. La qualitad architectonica dal chastè  dal qual il nucleus, la sala da chavaliers, era stà il motiv per il museum  era daventada dal tuttafatg secundara. Quai è sa midà pir il 1953, cura che la sala fullanada è vegnida rumida. La rimnada ha pudì vegnir exponida en autras localitads. Dapi lura sa preschenta la sala da chavaliers en quella furma, co ch'ella ha pudì vesair ora tenor las perscrutaziuns architectonicas, istoricas e culturalas.

Lia Rumantscha (Cuira)

Baeriswyl, Armand : Der Rittersaal im Bärenturm  Die Anfänge des Schlossmuseums Burgdorf
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 18. Jahrgang 2013, Heft 4, 116 - 122.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch