Mittelalter 2013/4
Heft 2013/4    5. Artikel

Il num oblighescha: Friedrich Hegi ed il chastè da Hegi

par Peter Niederhäuser

Il chastè da Hegi, antruras in cumplex circumdà dad aua, è oz in dals chastels tardmedievals ils pli bain mantegnids da la Svizra Orientala, quai surtut grazia als signurs von Hohenlandenberg. Pli tard ha il chastè servì sco chastellania principala e suenter il 1798 sco bain puril. L'onn 1915 surpiglia il scienzià independent Friedrich Hegi il cumplex decadent. L'istoricher renumà lascha renovar cumplettamain il chastè tenor ils princips da la tgira da monuments e da la protecziun da la patria vertents da lezzas uras, e procura uschia per in'ovra d'art cumplessiva, nua che locals istorics reconstruids èn munids cun il mobigliar adequat. Sustegnì dal directur dal museum naziunal Lehmann e da l'architect chantunal Fietz, collia Hegi la sanaziun dal chastè cun studis d'archiv e realisescha uschia sias fadias adina sa basond sin la scienza. In maletg uschè autentic sco pussaivel era per el pli impurtant ch'ina renovaziun plain fantasia, e sch'el intervegniva  tuttavia intenziunadamain  en la substanza architectonica existenta, aveva el adina davant egl l'unitad «originala» d'in ensemble, il qual el renovava cun gronds sforzs finanzials a moda exemplarica ed al rendeva accessibel a la publicitad sco museum privat.

Lia Rumantscha, Cuira

Niederhäuser, Peter : Der Name verpflichtet: Friedrich Hegi und Schloss Hegi
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 18. Jahrgang 2013, Heft 4, 135 - 145.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch