Mittelalter 2014/1
Heft 2014/1    1. Artikel

La citad da Basilea sco in center da turniers

par Werner Meyer

Basilea vegn considerada sco enconuschenta citad da turniers dal 13avel fin il 15avel tschientaner. Termins preferids èn ils dis da tschaiver ed ils otg da settember, l'anniversari da Maria, la protectura da la citad. Ils turniers han lieu sin il Münsterplatz, sper la chasa «Haus zur Mücke», nua che l'aristocrazia celebrescha sias festas. Ils gieus da cumbat e da chavaliers cumpiglian il turnei (cumbat en massa) e la giustra (cumbat en dus cun chaval e cun lantschas).
Fastizs archeologics dals anteriurs turniers han ins chattà en occasiun d'exchavaziuns da chastels en il conturn da Basilea. In turnier particular è il duel ch'è vegnì fatg il 1428 a pe cun pliras armas tranter in chavalier spagnol ed in chavalier basilais. Ils turniers mainan savens ad accidents. Durant temps da tensiuns politicas regia il privel ch'els sa transfurman a tumults. Al «tschaiver cun ina nauscha fin» il 1376 hai dà gronds acts da violenza che han manà a difficultads politicas a Basilea. Pervia da quels han ils turniers pudì avair lieu pli tard mo sut mesiras da segirezza massivas. L'ultim turnier a Basilea è documentà per l'onn 1491.
Lia Rumantscha (Cuira) .

Meyer, Werner : Die Turnierstadt Basel
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 19. Jahrgang 2014, Heft 1, 1 - 7.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch