Mittelalter 2014/1
Heft 2014/1    2. Artikel

Ina preschentaziun da turnier dals onns 1300

ils sgrafits en la tur dal chastè da Spiez

par Armand Baeriswyl

Sin il plaun d'entrada da la tur massiva dal chastè da Spiez èn sa mantegnids numerus sgrafits dals onns 1300 en la liadira da las nischas da fanestras. Ils dissegns èn vegnids documentads e nettegiads en occasiun d'ina renovaziun dal museum il 2012.

Plirs chavaliers sin lur chavals èn identifitgabels a maun da lur vopnas e da lur ornaments sin las chapellinas: ils signurs da Weissenburg, ils signurs da Ringgenberg, ils conts da Neuchatel-Nidau ed ils conts da Gruyère. Duas preschentaziuns mussan la furma da turnier d'in cumbat cun lantschas, l'uschenumnada giustra, tranter dus chavaliers.

Talas preschentaziuns pon ins datar mo indirectamain. Criteris stilistics en in senn pli stretg na datti betg tar quests dissegns. Elements per ch'ins po datar pli precisamain èn las chapellinas ed ils scuts preschentads. Quels laschan attribuir ils sgrafits da Spiez probablamain al temp enturn ils onns 1300.

Las preschentaziuns da Spiez èn areguard il cuntegn in product tipic per la cultura aristocratica da chavaliers dal 13avel e 14avel tschientaner. Las vopnas ed ils ornaments sin las chapellinas èn elements centrals. Ils numerus detagls realistics  cuirass, lantschas, chavals, vopnas  laschan supponer ch'i sa tracta da scutiers giuvens che han exprimì lur aventuras sco sgrafits la fin dal 13avel u l'entschatta dal 14avel tschientaner.
Lia Rumantscha (Cuira)

Baeriswyl, Armand : Eine Turnierdarstellung aus der Zeit um 1300  Die Ritzzeichnungen von Schloss Spiez
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 19. Jahrgang 2014, Heft 1, 8 - 14.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch