Mittelalter 2014/1
Heft 2014/1    5. Artikel

Sut l'ensaina da la furmaziun d'identitad aristocratica?

Il cudesch da famiglia da Hans von Hinwil dal 1541

par Peter Niederhäuser

Il cudesch da famiglia betg uschè enconuschent redigì l'onn 1541 da Hans von Hinwil, cun in'introducziun «istorica» davart las vopnas da las colliaziuns da lètg, porscha in'invista chapibla en la cultura ed identitad aristocratica durant il 16avel tschientaner. Analog als cudeschs cumparabels dals signurs dad Eptingen e da Hallwyl stat la perspectiva autobiografica da l'autur pli pauc en il center che l'intent da la politica da famiglia. Hans von Hinwil, chastellan dad Elgg, fachin da l'uvestg da Constanza e lura da l'avat da Son Gagl, è s'orientà en quest connex ad exempels da la Germania dal Sid. En il rom d'ina «renaschientscha da chavaliers» èn resultads cudeschs davart turniers e davart l'aristocrazia. Quels accentuavan la vegliadetgna fitg auta e la posiziun aristocratica d'ina famiglia per pudair uschia intunar la rolla autonoma da l'aristocrazia (pli bassa). Ulteriura impurtanza survegniva quest accent sin fundament da la cumprova ch'ina famiglia era da derivanza aristocratica. Grazia a quella cumprova pudeva l'aristocrazia sa distanziar dals Patrizians citadins. Ha Hans von Hinwil vulì attribuir a sia schlatta ina «meglra» istorgia cun ses cudesch da famiglia che la documentaziun istorica permetta?
Lia Rumantscha (Cuira)

Niederhäuser, Peter : Im Zeichen adliger Identitätsfindung? - Das Familienbuch des Hans von Hinwil von 1541
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 19. Jahrgang 2014, Heft 1, 34 - 44.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch