Mittelalter 2014/2
Heft 2014/2    1. Artikel

Ils turniers da Schaffusa dals onns 1430 en cumparegliaziun cun il Passo Honrosa castilian dal 1434

par Peter Jezler

Davart nagin auter turnier tardmedieval en il territori linguistic tudestg na savain nus dapli che davart ils turniers da Schaffusa ils onns 1430. Pero Tafur rapporta sur d'in da quests turniers en ses diari da viadi enconuschent. Cun il Passo Honroso da Suero de Quiñones dal 1434 datti in turnier castilian documentà fitg bain e derivond dal medem temp che ans serva sco cumparegliaziun.

Il rapport da Schaffusa dal 1436 raquinta il decurs. La sonda arrivan ils signurs en la citad ed exponan lur chapellinas cun ils ornaments. Cun musica van els la dumengia per las damas. Il glindesdi vegn visitada la plazza dal turnier ed organisà in cumbat cun lantschas cun circa 15 cumbattants. Il grond turnier ha lieu il mardi, en il decurs dal turnier vegnan chastiads chavaliers che vegnan accusads da sa cumportar senza onur: els vegnan bastunads e beffegiads. Suenter il turnier ha lieu in segund cumbat cun lantschas cun circa trenta cumbattants. Ina davos festa cun in banchet, in saut e la surdada dals premis dal turnier concluda il turnier.

Don Suero de Quiñones, derivond d'ina famiglia bainvisa, ha dumandà al Retg Juan II. il dretg per in turnier cun sias atgnas reglas per onur ed amur da sia stimada dama Leonor de Tovar. In cumbat cumpiglia tantas attatgas fin che trais lantschas èn ruttas. Scrivents protocolleschan il decurs dal cumbat. Ils chavaliers manchentavan relativamain savens la noda. Pedro de Nave e Francisco de Faces èn sa tutgads ils 15 da fanadur uschè darar ch'els han utilisà 27 attatgas fin che Francisco ha gudagnà finalmain cun 2:1.

Entant ch'ils turniers da Schaffusa èn organisads da maniera cooperativa, sa tracti tar il Passo Honrosa dad in'occurrenza d'in unic aristocrat cun la bainvulientscha dal retg. Cumprovar il curaschi e sa stentar per onur paran dad esser las caracteristicas principalas en ils cumbats cun lantschas castilians. Tenor il rapportader spagnol èn però ils turniers da Schaffusa pli funcziunals areguard ils chastis per il cumportament betg undraivel dals chavaliers.
Lia Rumantscha (Cuira)

Jezler, Peter : Die Schaffhauser Turniere des 1430er-Jahre im Vergleich zum kastilischen Passo Honroso von 1434
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 19. Jahrgang 2014, Heft 2, 49 - 58.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch