Mittelalter 2014/2
Heft 2014/2    4. Artikel

Ruinas da chastè en il chantun da Schaffusa

par Daniel Grütter

Las funtaunas permettan mo paucas conclusiuns areguard la dataziun ed il svilup architectonic da las tschintg ruinas da chastè dad Ottersbühl, Wolkenstein, Hartenkirch, Radegg e Randenburg en il chantun da Schaffusa. Naginas funtaunas en scrit dal temp autmedieval n'èn sa mantegnidas. Ils pli vegls rapports derivan da la cronica da la citad e da la regiun da Schaffusa scritta enturn il 1605 da Johann Jakob Rüeger. Il material archeologic chattà principalmain durant exchavaziuns il 19avel ed il 20avel tschientaner na tradescha betg propi bler. Miraglia verticala è sa mantegnida mo al chastè da Radegg. Davart ils possessurs dals chastels datti segirezza mo en il cas da Randenburg e da Radegg. Els pon ins documentar en il 13avel tschientaner en la citad da Schaffusa, lur residenzas originaras paran dad esser vegnidas bandunadas successivamain. Ins po cumprovar indizis per ina destrucziun guerrila mo per la ruina da Radegg. Il turissem ha rescuvert la ruina da Radegg il cumenzament dal 20avel tschientaner e las autras gia il 19avel tschientaner.
Lia Rumantscha (Cuira)

Grütter, Daniel : Burgruinen im Kanton Schaffhausen
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 19. Jahrgang 2014, Heft 2, 77 - 86.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch