Mittelalter 2015/1
Heft 2015/1    1. Artikel

Exchavaziuns a Schattdorf UR, Mühlehof

par Lorena Burkhardt

Durant las exchavaziuns a Schattdorf sin il Mühlehof il 2006 han ins chattà las restanzas d'ina tur d'abitar dal temp medieval cun in mir da tschinta. Lunsch sut las scuvertas medievalas - strusch 4 meters sut la stresa da humus actuala - èn vegnidas a la glisch las restanzas d'in abitadi preistoric, probablamain dal temp da Hallstatt tardiv.

Durant il temp medieval  la perioda exacta n'è betg enconuschenta  vegn construida sin in terren betg surbajegià ina tur d'abitar. I sa tracta d'ina construcziun massiva, pli u main quadratica da 9,6 e 9,4 m lunghezza. La miraglia è d'ina qualitad excellenta. Sur il fundament consista ella da craps da chaltschina mesauns tagliads cun premura e tschentads en retschas orizontalas. La miraglia è fitg regulara e las retschas orizontalas precisas. Questas caracteristicas permettan da datar l'edifizi dal 11avel u 12avel tschientaner.

Pir pli tard han ins construì in mir da tschinta enturn la tur d'abitar. Quest mir da tschinta è da mendra qualitad che la miraglia. Probablamain serviva il mir da tschinta era sco protecziun cunter catastrofas da la natira (p.ex. inundaziuns u bovas). In'autra scuverta archeologica pli giuvna è in edifizi annex a la tur ch'è vegnì construì il pli baud al cumenzament dal 18avel tschientaner.
(Lia rumantscha, Cuira)

Burkhardt, Lorena : Ausgrabungen in Schattdorf UR, Mühlehof
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 20. Jahrgang 2015, Heft 1, 1 - 16.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch