Mittelalter 2015/3
Heft 2015/3    1. Artikel

Exchavaziun da la baselgia da Kerns 1964/1965 - a la tschertga da fastizs

par Lukas Walliman

L'exchavaziun da la baselgia da Kerns, realisada en il rom da la renovaziun totala da la baselgia ils onns 1964 e 1965, ha purtà a la glisch differents plans orizontals da la baselgia che dateschan fin en il temp autmedieval. La finamira da l'evaluaziun dals resultats è stada da demussar il svilup dals edifizis da la baselgia da Kerns dal 10avel fin il 16avel tschientaner. Sco in dals resultats particularmain impurtants han ins pudì preschentar per l'emprima giada il champ da fossas situà sut il pli vegl edifizi da crap.

L'emprim implant, construì probablamain sco baselgia privata da Lenzburg, è ì l'onn 1036 en possess da la claustra da Beromünster. Sch'i sa tractava d'ina baselgia da lain u da l'emprim edifizi da crap documentabel, sto restar avert. L'emprima baselgia da crap cumprovabla è lura vegnida cumplettada cun in'apsida. Questa amplificaziun è succedida probablamain en il 12avel u 13avel tschientaner. Il proxim element da construcziun nov è stà il clutger. Sia porta ad arvieut radund è anc mantegnida en la paraid nord da la baselgia odierna. L'onn 1501 è lura vegnida consecrada ina nova baselgia. Quella ha probablamain remplazzà l'entir implant precedent cun excepziun dal clutger. L'artitgel suandant reconstruescha per gronda part ils differents plans orizontals e per l'edifizi dal 1501 era l'equipament. El n'entra dentant betg sin il svilup da la baselgia suenter il 1501.

In object da chat degn da vegnir menziunà è la gluva dad oss, numnada Bordoncillo, ch'è vegnida producida e vendida sco souvenir per ils pelegrins a Santiago de Compostela. L'autur sa legra davart annunzias da tals chats da bordoncillos sin il territori da la Svizra odierna.
Lia Rumantscha (Coira)

Walliman, Lukas : Kirchengrabung Kerns 1964/1965 - eine Spurensuche
Mittelalter – Moyen AgeMedioevoTemp medieval, Zeitschrift des Schweizerischen Burgenvereins, 20. Jahrgang 2015, Heft 3, 57 - 72.

platzhalter

 
platzhalter
 
 
DE
FR
IT
RO
 
Geschäftsstelle des Schweizerischen Burgenvereins · Blochmonterstrasse 22 · CH–4054 Basel
T +41 (0)61 361 24 44
info@burgenverein.ch / praesident@burgenverein.ch